تفاصيل المقالة .. قصة سرقني زوجي

قسم / الواجهة, مختارات

‏🔹🔹قصة سرقني زوجي 🔹🔹
🔵قصة حقيقية🔵
‎انا بنت من عمر سبع سنوات انسحبت من حضن
‎ امي لبيت ابوي وزوجة ابوي يعني ان امي وابوي منفصلين ووللاسف عشت اسوأ ايام حياتي من المعامله السيئه لي ولاخوي اللي عمره خمس سنوات وللتهرب من المعامله السيئه كنت ادرس كثير ومن المتفوقات بالمدرسه ولما صار عمري ١٦ سنه خلصت اولى ثانوي انخطبت من شخص اكبر مني بعشر سنوات وزوجني ابوي من غير اخذ رأيي لكن ماكنت معارضه لانه نجاة من البيت وكان انسان جيد كما ظهر لي لكن عيبه الوحيد رفض اكمل دراستي وانا وافقت وهو يشتغل بالاعمال الحره يعني متنقل الا ان استقرينا بجده وجبت منه بنتين وولد وتوفى ابوي رحمه الله عليه وجاتني ورثة من ابوي واقترحت على زوجي نبني لنا قصر قريب من البحر فقال لي اوك حطي كل شيء باسمي عشان ماتعطل بالوكالات واذا خلصنا نقلته باسمك وأنا وثقت به للأسف وشريت الارض باسمه وبنينا القصر ووسكناه وكنت اتنقل فيه وانا اتبسم كأني اميره الا ان جاء اليوم اللي صعقني فيه زوجي بدخوله مع زوجته الثانيه لبيتي هدم كل فرحتي ولما عاتبته ببكاء وقهر قال هذا بيتي اذا مو عاجبك الباب يطلع جمل انصدمت من رده كيف بيتك وهو بيتي🙄 قال هاذا اللي عندي وطلع وخلاني وبدت معاناتي معاه هو وزوجته مابقى بلوى ماتبلتها علي اهانات سب الا ان اخذت عيالي وطلعت من البيت ورجعت للرياض لامي دخلت بحاله نفسيه واكتئاب ولا اكلم احد ولا اطلع من غرفتي وامي استاذه كبيره كلمت صديقتها دكتوره نفسيه وبدت تزورني وصرفت لي حبوب والحمدلله بفضل الله ثم هي طلعتني من الحاله اللي انا فيها واول خطوه اقدمت عليها اني اكمل دراستي ودخلت علمي وتخرجت بنسبه عاليه وتفوق ذلك من فضل ربي وقدمت على الابتعاث لدراسه الطب بامريكا والحمدلله تسهلت اموري وانقبلت وسافرت وجلست ادرس تسع سنوات ولا فكرت بيوم اني ارجع ارتحت وابتعدت عن الذكريات اللي تشل تفكيري كانت امي تجي تزورني هي وعيالي بكل اجازه
‎💕�تقول بعد تسع سنوات رجعت وانا معي شهاده جراحه تجميليه وتعينت باكبر مستشفى حكومي بالرياض ذالك من فضل ربي وبعد دوامي بسنه اخذت انتداب لبريطانيا سنه ورجعت وانا بدوامي وكان من بكرى رحله لي برضو لبريطانيا انتداب انا وكم دكتور استدعوني لحاله حرجه شخصين مشوهين دخلت غرفه العمليات وجلست فيها ثمان ساعات اخيط الاعضاء المقطعه طلعت من العمليات سلمت الحاله لاستشاري وسافرت ولارجعت الا بعد اربع شهور اول مارجعت سألت عنهم وعطوني الملفات والصدمةيللي هزتني ورجعتني للماضي أنو المصابين طلعوا 😣طليقي وزوجته سبحان من ارسلهم بعد كل هالسنين تشجعت ودخلت عليه وسألت عن حاله ه ماعرفني وعرفت بنفسي وبدى يصيح ويقول سامحيني تكفين سامحيني انا جاي للرياض وناوي اقهرك واخذ عيالك بعد ماسمعت وشفت نجاحاتك وكان كل تفكيري وشلون اقهرك الا ان حكمة رب العالمين ارسل لي عقابه قبل ماوصل لك وصار الحادث علينا وشفت الموت لولا رحمة رب العالمين نظرت إلى ذلك الوجه الجميل اختفت معالمه طريح الفراش كل مافيه متكسر قلت ماراح اسامحك الا اذا رجعت لي بيتي هو كل حلالي وافق ورجعه لي وبعته وجاب لي اضعاف اضعاف قيمته بهالحظه فعلا راحت الضيقه اللي كانت حسره بقلبي وطلعت للحياه وتصدقت بثلاث ارباع المبلغ شكر لله رب العالمين اللي رجع لي حقي لو بعد سنين وربي يمهل ولا يهمل ..تمت 💕‬‏ الدنيا دوارة وكما تدين تدان وعلى نياتكم ترزقون والمظلوم سينتصر ولو بعد حين ماعلى المظلوم الا أن يقول ( حسبناالله ونعم الوكيل ) .
الله اكبر ،،، سبحان الله
في الحديث القدسي يخاطب الله النفس المظلومة
( وعزتي وجلالي ولأنصرنك ولو بعد حين )

👍🏼قصة تبين قدرة وعظمة الله

كتب بواسطة : ادارة الموقع بتاريخ : 02 أكتوبر 2019 التعليقات : 0 تعليق

التعليقات .. على المقال

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

نبذة عن .. ادارة الموقع

ادارة الموقع

تأسست مؤسستنا في عام 2003 م تحت الإسم التجاري عبد الرحمن لخدمات الحاسب الآلي والإنترنت قبل ان نقوم بشراء الإسم التجاري "مؤسسة الإبداع الرقمي لتجارة الحاسب الآلي واستضافة مواقع الإنترنت وتصميم قواعد البيانات والتسويق الإليكتروني" في تاريخ 20/8/1427 هـ. مؤسسة الإبداع الرقمي هي مؤسسة سعودية مرخصة تزاول نشاطها تحت سجل تجاري رقم ( 1131022346 )

مقالات مختارة

27 أكتوبر

اللكنة المصرية دي جت منين ؟

تفاصيل...
26 سبتمبر

هل شيعة اليوم مسلمون

تفاصيل...
25 سبتمبر

عدنان خاشقجي

تفاصيل...
  • المتواجدين الآن: 0
  • زوار اليوم: 1
  • مجموع الزيارات: 134٬868
قد يعجبك ايضا
عطور ميني

للطلب واتس   0502218130 شعارنا الجودة -- التميز -- السعر المناسب

اغلاق